Gipsi dhe druri – dimension I ri në ndërtim

Çështje të rëndësishme gjatë diskutimit për përdorimin e drurit në ndërtim janë aspektet ekologjike dhe ekonomike. Zgjidhje të menduara teknikisht realizohen në ndërtimin e shtëpive montazhe të parafabrikuara, me kombinimin e konstruksionit të drurit dhe montimit të thatë me pllaka gipsi.

Në zonat tona vetëm 1% deri 2% e objeteve për banim janë të ndërtuara nga druri. Në vendet Skandinave ka më shumë se 90%, ndërsa në Amerikën Veriore dhe Japoni është përafërsisht 70%. Mirëpo kjo përqindje ngadalë po ndryshon. Sipas kërkimeve të fundit del se po ndryshojnë botëkuptimet – gjeneratat e reja në ditët e sotme më mirë po i pranojnë ndryshimet dhe sidomos ndërtimet e lehta prej druri.

Ndërtimi me dru mundëson punimin e konstruksioneve më të ngushta dhe më të lehta, harxhimi I materialit ndërtimor është më i vogël, gjithashtu edhe pesha që mbart është më e vogël. Elementet prej druri punohen në punëtori dhe më vonë montohen në punishte, ndërsa punët përfundimtare realizohen me montim të thatë me anë të pllakave prej gipsi. Koha e ndërtimit është më e vogël, ashtu si edhe harxhimet. Mund të punohet edhe në kohë të ftohtë me temperatura të ulëta dhe për arsye të montimit të thatë eliminohet plotësisht koha për tharje.

Druri është partner i sigurtë dhe i domosdoshëm në ndërtim

Druri kërkon angazhim të personave profesional të cilët gjatë ndërtimit sigurojnë kualitet të lartë në realizimin e detajeve konstruktive dhe realizim të saktë. Pllakat stabël Knauf me përpunimin perfekt të bashkimeve të pllakave sigurojnë realizim të tavaneve, të sipërfaqeve të mureve dhe dyshemeve pa paraqitje të plasaritjeve dhe po ashtu ofrojnë mbrojtje nga zjarri dhe zëri.