Çka është pllaka e
impregnuar?
Pllaka e impregnuar Knauf është pllakë gipsi
e dedikuar për ambiente me lagështi: banjo,
kuzhina etj. Karakterizohet me sasi të vogël
të thithjes së lagështisë, e që është
rezultat i impregnimit të thellë të gipsit
në brendi të pllakës si dhe impregnimit të
letrës në sipërfaqe.
Në çfarë rasti përpunimi
i bashkimeve realizohet me Uniflott dhe kur
me Fugenfüller?
Të dy këto materiale përdoren në kushte të
njëjta. Gjatë përpunimit të bashkimeve të
pllakave me materialin Fugenfüller është I
obligueshëm përdorimi I shiritit
fugëmbulues, ndërsa për përpunimin e
brinjëve gjatësorë të pllakave mund të
përdoret Uniflott pa shiritin fugëmbulues.
Cili shirit fugëmbulues
përdoret gjatë përpunimit të bashkimeve me
Fugenfüller?
¨shtë I lejuar përdorimi I shiritit prej
letre, rrjetës ose shiritit prej fibër
qelqi. Përparsi e shiritit letër është
thjeshtësia dhe siguria gjatë përpunimit si
dhe fortësia në tërheqje gjatësore; përdoret
për përpunim të bashkimeve si dhe këndeve të
jashtme ose të brendëshme të pllkave Knauf.
Shiriti rrjetë është shiriti fugëmbulues më
praktik dhe I cili përdoret më së shpeshti.
Këtu duhet patur parasysh që bashkimet
ndërmjet pllakave të jenë plotvsisht të
mbushura me me material për fugim.
Shiriti prej fibërqelqi përdoret me
zgjidhjet në mbrojtje kundër zjarrit.
Si duhet të përpunohen
bashkimet në mes të murit ndarës Knauf me
sipërfaqe të murit të suvatuar?
Në situata të tilla, si në rastin e
bashkimeve me beton, dru apo çelik nuk është
i lejuar mbulimi I fugave mbi të dy
sipërfaqet. Para montimit të pllakave Knauf
është e nevojshme që në sipërfaqen e
suvatuar të ngjitet shiriti vetëngjitës
përgjatë vendit I cili preket me pllakë. Pas
montimit të pllakave, këndet e pllakave
Knauf mbushen me Fugenfüller porse shiriti
fugëmbulues vendoset vetëm në pllakë. Pjesa
e shiritit vetëngjitës e cila del mbi
pllakën e gipsit prehet me anë të thikës.
A është e mundur që në
muret e suvatuara të ngjiten pllakat e
gipsit (suvatim i thatë)?
Suvatimi ekzistues duhet të jetë në gjendje
të mirë, me aftësi bartëse, I fortë dhe I
thatë si dhe nuk guxon të grimcohet. ¨shtë e
nevojshme që të pastrohen të gjitha vendet e
dëmtuara, fryerjet, lyerjet e vjetra dhe
papastërtitë tjera nga suvatimi I vjetër.
A është e mundur që
pllakat Knauf të ngjiten në pjerrtësinë e
tavanit?
Suvatimi I thatë – ngjitja e pllakave Knauf
është e lejuar vetëm në sipërfaqe vertikale
sikurse janë muret. Nuk është asesi e lejuar
ngjitja në tavan ose pjerrtësi të çatisë!
A është e mundur që në
pllakat Knauf të vendoset një pikturë?
Përforcimi I objekteve dhe peshave në muret
Knauf realizohet me upa për mure të
zbrazëta. Aftësia bartëse varet nga lloji I
upës dhe trashësia e veshjes me pllakë
gipsi. P.sh. aftësia bartëse e një upe prej
PVC me veshje njështresore me pllakë 12,5mm
Knauf është 20kg, ndërsa me veshje
dyshtresore 2x12,5m një upë metalike mban
50kg.
A ekziston mundësia që
pllakat Knauf të suvatohen?
Knauf në programin e tij ofron një mori
materialesh minerale të gatshme dhe të
kualitetit të lartë të cilat mund të
përdoren për pllaka të gipsit. Për përdorim
të suvave tjera është mirë që të shiqohet
udhëzimi I prodhuesit.
Cilat pllaka aplikohen
për mbrojtje kundër zjarrit në tavane dhe
nënçati?
Knauf pllakat zjarrqëndruese të tipit F, me
trashësi 12,5mm dhe 15,0mm: për mbrojtje
kundër zjarrit prej 30 minutash është e
nevojshme veshja e dyfishtë me pllaka
zjarrqëndruese me trashësi prej 12,5mm, dhe
për mbrojtje kundër zjarrit prej 60 minutash
është e nevojshme veshja e dyfishtë me
pllaka zjarrqëndruese me trashësi prej
15,0mm.
Cili mur ndarës Knauf
preferohet për përpunimin e murit ndarës në
banesë apo shtëpi?
Për mur ndarës në banesë apo shtëpi është i
mjaftueshëm muri Knauf me një
nënkonstruksion, me nga një pllakë me
trashësi prej 12,5mm ose 15,0mm në çdo anë
të murit. Hapsira e zbrazët e murit duhet të
mbushet me pambuk mineral me trashësi prej
50mm. Trashësia e materialit izolues në
asnjë rast nuk guxon të jetë më e madhe se
zbazëtira e murit.
Cila është distanca e
standardizuar e profileve CW gjatë punimit
të një muri ndarës?
Profilet e murit vendosen në distancë
standarde prej 62,5cm tek pllakat me gjërësi
prej 125,0cm.
Si duhet të punohen
muret ndarëse në banjo?
Janë të mundura dy variante të realizimit:
profilet e murit vendosen në distancë
standarde prej 62,5cm dhe veshen me dy
shtresa pllakash; apo veshje me një shtresë
pllakash 12,5mm mirëpo distanca e profileve
të murit duhet të zvoglohet në 41,7mm. Për
veshje përdoren pllakat e impregnuara Knauf,
dhe para se të vazhdohet me ngjitje të
pllakave të qeramikës sipërfaqja duhet të
lyhet me Knauf Tiefengrund.
Si montohet lavamani në
mur ndarës?
Për një montim të qëndrueshëm dhe të sigurtë
të lavabosë dhe elementeve të tjera sanitare
aplikohen mbajtës special me zinktim të
parafabrikuar të cilët montohen së bashku me
profilet mbajtëse.
A është e nevojshme që
gjatë montimit të një muri ndarës me veshje
dyshtresore të trajtohen fugat e shtresës së
parë?
Kur është nevoja për një izolim më të mirë
zanor si dhe mbrojtje kundër zjarrit duhet
të mbushen edhe bashkimet e shtresës së parë
të pllakave.
Në çfarë gjatësie
prodhohen profilet CD?
Profilet Knauf CD prodhohen në gjatësi të
ndryshme standarde prej 2600 deri 4000 mm.
Sa është distanca
minimale ndërmjet tavanit masiv dhe tavanit
të lëshuar ma nënkonstruksion metalik?
Gjatë montimit të nënkonstruksionit të
dyfishtë ose nënkonstruksionit të kryqëzuar
nga çeliku prej profileve CD 60x27mm me tel
dhe tel për ankerim është e nevojshme që
lartësia minimale të jetë 160mm. Gjatë
veshjes me varëse direkte lartësia është
50mm. Trashësia e pllakës është e
parashikuar me masat e dhëna.
Si mund të mënjanohet
dukja e bashkimeve në tavan të lëshuar në
rastin kur kemi ndriçim të fortë ansorë?
Në rastin e kërkesave më të larta në
aspektin e estetikës së ambientit, është e
nevojshme që para procesit të ngjyrosjes, e
gjithë sipërfaqja të trajtohet me Knauf
Grundiermittel në mënyrë që të bëhet
barazimi i aftësisë thithëse të fugave dhe
letrës. Në rastin e kërkesave për sipërfaqe
ideale të lëmuara preferohet patinimi me
Knauf Readyfix apo Knauf Finish Pastös.
Si përdoren mbajtësit
Nonius te tavanet e lëshuara me
nënkonstruksion metalik?
Kur tavani i lëshuar ka peshë më të madhe
ose duhet të mbajë trupa ndriques të rëndë,
instalime të ndryshme etj., si dhe në
mbrojtje nga zjarri i zbrazëtirës ndërmjet
dy tavaneve.
Deri në çfarë rreze mund
të formësohet pllaka me trashësi 12,5mm?
Pllakat Knauf me trashësi prej 12,5mm mund
të formësohen me trajtim të thatë në një
rreze prej 2,75m. Nëse rrezja e kërkuar
është më e vogël se 1,0m, pllakat duhet të
lagen dhe të formësohen me ndihmën e
shabllonit. Montimi realizohet prej momentit
të tharjes së plotë të pllakës.
Në çfarë bazamenti mund
të vendoset estrihu i thatë Knauf?
Estrhu I thatë Knauf mund të vendoset në
bazamente prej betoni, druri apo metali.
Para vendosjes së pllakave Vidifloor,
bazamenti duhet të rrafshohet me granulat të
thatë perliti apo me rërë të thatë, ndërsa
pjesët të cilat nuk janë të rrafshuara deri
në 15mm, mund të rrafshohen me masë
vetëniveluese.
A vendoset estrihu I
thatë Knauf në ambiente me lagështi?
Në bazament të pregaditur estrihu i thatë
Knauf mund të vendoset edhe në banjo. Para
vendosjes së dyshemesë finale (p.sh. pllaka
të qeramikës) është e nevojshme që dyshemeja
dhe bashkimet me murë të mbrohen me lyerje
hidroizoluese Knauf Flächendicht me përdorim
të shiritit hidroizolues Flächendichtband.
Dimensionet maksimale të lejuara të pllakave
të keramikës janë 30x30cm.
A është e mundur që mbi
shtresën e estrihut të thatë të vendoset
muri ndarës?
Për shkak të peshës së vogël të mureve
ndarëse Knauf është e mundshme vendosja mbi
shtresën e estrihut të thatë.
Si është e mundur që
shtyllat dhe trajet e çelikut të mbrohen nga
zjarri?
Thjeshtë dhe arsyeshëm me pllaka Knauf –
Fireboard. Trashësia e veshjes dhe numri i
duhur i bashkimeve të pllakave varet nga
materiali dhe aplikimi; është e mundur që të
arrihet mbrojtja nga zjarri në kohëzgjatje
prej 30 deri 180 minuta.
Çfarë përmirsimi në
aspektin e zëizolimit mund të arrihet me
veshje të murit të vendosur para murit
ekzistues?
Si një parametër përmirsimi i zëizolimit
parashihet 12 – 15 dB. Përmirsimi I
mbrojtjes varet nga muri ekzistues si dhe
prej mënyrës së realizimit të veshjes së
murit. Duhet patur parasysh në rrugët
anësore të përcjelljes së zërit.
A është e mundur që
pllakat e impregnuara mund të përdoren si
bazament për pllaka të qeramikës në object
ku kemi banjo/tushe kolektive?
Në këtë rast nuk përdoren materiale të
prodhuara nga gipsi. Preferohet aplikimi i
pllakave speciale prej qementos së armuar
Aquapanel me trashësi prej 12,5mm.
Çfarë lyerje bazike
përdoret në pllakt Knauf para vendosjes së
suvasë minerale?
Lyerje impregnuese Knauf Putzgrund.
Cilat pllaka përdoren
për veshje të strehës së kulmit apo mureve
të jashtme?
Pllaka e qementos Aquapanel është 100% e
rezistueshme ndaj ujit dhe përdoret për të
gjitha rastet e veshjeve në ambient të
jashtëm. ¨shtë i mundshëm edhe përdorimi i
pllakave Vidiwall mirëpo vetëm me rastin e
përdorimit të Thermosystem fasadës (kontakt
fasadë).
Kur është i nevojshëm
aplikimi i paralyerjes Grundiermittel?
Paralyerja Grundiermittel përdoret para
ngjitjes së pllakave Knauf në bazamente me
aftësi thithëse të lartë apo si paralyerje
për pllaka Knauf para lyerjes përfundimtare.
Kur është i nevojshëm
aplikimi i paralyerjes Tiefengrund?
Para ngjitjes së pllakave të qeramikës në
pllaka Knauf bazamenti duhet të lyhet me
Tiefengrund.
Kur është i nevojshëm
aplikimi i paralzerjes Betokontakt?
Knauf Betokontakt është paralyerje me
përbërje të rërës së kuarcit me të cilin
trajtohen sipërfaqet me aftësi thithëse të
dobët si p.sh. betonarmeja prej kallëpeve.
Përdoret para ngjitjes së pllakave Knauf ose
para procesit të suvatimit.
Çka është Flächendicht?
Flächendicht është emulsion special në bazë
të kauçukut me të cilin mbrohen sipërfaqet e
mureve dhe dyshemeve nën pllaka të qeramikës
nga depërtimi i lagështisë (p.sh. tush kada
në banjo). Përdoret në kombinim me
Flächendicht shiritin për kënde.
A e keni gjetur përgjegjen tuaj?
Nëse nuk e keni gjetur përgjegjen në pyetjen tuaj, dergojeni
pyetjen
tuaj dhe shërbimi ynë
teknik do të mundohet që të ju jap përgjegje sa
më parë
