Vendosja e instalimeve në muret ekzistuese masive është e mundur pa thyerje shtesë të mureve. Me konstruksione para murit me pllaka Knauf mënjanohet thyerja dhe dobësimi i murit si dhe nuk kemi mbeturina ndërtimore.

Konstruksioni punohet me profile CW≥50/0,6mm dhe mund të ekzekutohet si veshje e ulët apo veshje në të gjithë lartësinë e murit. Për profile të dyshemesë dhe tavanit përdoren profilet UW≥50/0,6mm, ku në rastin e veshjes së ulët duhet që shtresën vertikale në bashkim me murin ta realizojmë me profile CD 28/27. Konstruksioni veshet me dy shtresa pllake të impregnuar Knauf 2x12,5mm.

• lartësia max. e murit 2,6 m

• pllaka e impregnuar HA13 ose HF13-në dy shtresa 

• profilet metalike: UW + CW50

• shtresa izoluese sipas kërkesës
  
  

Lartësia dhe distanca nga muri e veshjes ekzekutohet sipas nevojës. Këndet poshtë dhe lartë formohen me profil UW50, bashkimi horizontal me murin me UD profil 28/27, ndërsa profilet vertikale janë CW50. Veshja përbëhet prej dy shtresash të pllakave të impregnuara Knauf 2x12,5mm, me lyerje përfundimtare hidroizoluese Knauf Flächendicht. Pjesa horizontale mund të përdoret sikurese sipërfaqe për veshje.

Bashkimi i mureve në hapësirat me lagështi

Për mbyllje të sigurtë të vendbashkimeve në muret Knauf preferohet që pas lyerjes hidroizoluese të vendoset edhe shiriti elastik Knauf Flächendicht; sipërfaqet të cilat janë të ndikuara më shumë nga lagështira të mbushen me Knauf Flächendicht masë nga kauçuku.   

Vendosja e pllakave me ndihmën e libellës, latë dhe çekan prej gome për nivelim vertikal dhe horizontal

Përforcimi i kadës/dushit për larje

Muri ndarës ose veshja e murit në pjesët ku janë më të ekspozuara ndaj ujit të mbyllen mirë me Knauf Flächendicht masë nga kauçuku. Mbajtësi metalik i kadës/dushit përforcohet në murë me upa speciale metalike Knauf për mure të zbrazëta. Ndërmjet kadës/dushit vendoset mbushje akriliku Knauf. Fuga horizontale ndërmjet pllakave të qeramikës dhe kadës/dushit mbyllet me Knauf silikon sanitarë.

Depërtimet e gypave në banjo dhe kuzhinë

Të gjitha depërtimet e gypave dhe instalimeve është e nevojshme që të mbushen me masë si p.sh. Knauf silikon sanitar ose të përdoren unazat për mbyllje. Të gjitha bashkimet ndërmjet pllakave dhe depërtimit duhet të mbushen me Knauf silikon sanitar.