Ndërtimi me mure ndarëse të brendshme Knauf me karakteristikat e tyre pozitive është zgjidhje ideale alternative e mureve klasike masive. Përshtaten në mënyrë ideale në strukturën statike të objekteve moderne, dhe përkundër kësaj japin rezultate në aspektin e mbrojtjes nga zhurmat dhe zjarri si dhe në aspektin e izolimit termik të hapësirës. Pa problem mban varjet e peshave konsolë të murit (mobilje, plakarë etj.).

Muret ndarëse përpunohen me nënkonstruksion dhe veshje me pllaka Knauf. Nënkonstruksioni përbëhet prej profileve të çelikut të zinktuara; nga të dy anët montohen pllakat Knauf. Realizimi i nënkonstruksionit dhe veshjes me pllakë, varet nga kërkesat në mbrojtje nga zjarri dhe zëri (poashtu nga lartësia dhe dedikimi i shfrytëzimit të hapësirës).

Për izolim të mureve ekzistues përdoret veshja e mureve me pllaka Knauf të vendosura me ngjitje ose të montuara në nënkonstruksion. Nëqoftëse nuk kërkohet mbrojtje shtesë nga zëri, pllakat ngjiten në murin masiv, dhe kështu fitohen sipërfaqe të drejta dhe të pastra. Muret e shtrembëra dhe të pjerrta thjeshtë zhduken nën veshjen me pllaka Knauf.

Për përmirsim të izolimit termik dhe zanor, veshja e mureve Knauf realizohet me montim në nënkonstruksion metalik. Me këtë fitohet dukje perfekte e sipërfaqeve si dhe izolim termik dhe zanor shumë më cilësor. Përveq kësaj, në zbrazëtirën e murit mund të vendosen të gjitha llojet e instalimeve si të ujit apo elektrike.